میلبورن ( این این آئی)پاکستان اورآسٹریلیا کے درمیان جاری میلبورن ٹیسٹ کے دوران قومی کرکٹرز یاسر شاہ اور اظہر علی کے ڈوپ ٹیسٹ لیے گئے ۔ پی سی بی کے ڈائریکٹر میڈیا امجد حسین بھٹی کے مطابق یاسر شاہ اور اظہر علی کے ڈوپ ٹیسٹ میچ کے تیسرے دن لیے گئے ۔ دونوں کرکٹرز کی ڈوپ ٹیسٹ رپورٹ دوہفتے بعد موصول ہوگی ۔
یاسر شاہ کا گزشتہ برس نومبر میں ڈوپ ٹیسٹ مثبت آیا تھا ۔ لیگ سپنر نے ممنوعہ دوا کلورٹالیڈون استعمال کرنے کی غلطی کی جس کے بعد آئی سی سی نے یاسر شاہ کو تین ماہ کے لیے معطل کر دیا تھا ۔ وہ پابندی کی وجہ سے ورلڈ ٹی ٹونٹی میں ان ایکشن نہیں ہوسکے تھے۔
