نئی دہلی( این این آئی)بھارتی کھلاڑی محمد کیف بھی پاکستانی کھلاڑی اظہرعلی کی بیٹنگ کے دلدادہ نکلے۔سوشل میڈیا پر اپنے بیان میں بھارتی بلے باز کا کہنا تھاکہ اظہر علی نے میلبورن ٹیسٹ میں شاندار ڈبل سنچری اسکورکی،ان کی بیٹنگ میں دلیرانہ پن تھا۔ محمد کیف کئی برس تک بھارتی ٹیم کے اہم رکن رہ چکے ہیں۔محمد کیف نے کہاکہ اظہرعلی کاشماردورحاضرکے ان بلے بازوں میں ہوتاہے جنہوں نے خاموشی سے ہمیشہ پرفارم کیا۔ انہوں نے اظہرعلی کی آسٹریلیا میں بیٹنگ کے سراہا۔واضح رہے کہ آسٹریلیا کے خلاف میلبورن ٹیسٹ میچ کی پہلی اننگ میں اظہرعلی نے بطوراوپنر205 رنز ناٹ آؤٹ کی شانداراننگ کھیلی ۔