لندن (آئی این پی )انگلش بلے باز کیون پیٹرسن کی پاکستانی لباس میں تصاویر منظر عام پر آگئیں, انگلینڈ کے کہنہ مشق بیٹسمین کیون پیٹرسن نے پاکستانی ملبوسات کی تشہیر کے لئے پرائیویٹ کمپنی کے ساتھ شراکت داری کر لی‘ کمپنی کی مصنوعات کی تشہیر کیلئے واسکٹ زیب تن کرلی۔ برطانوی خبر رساں ادارے کے مطابق کیون پیٹرسن نے مردوں کیلئے موسم سرما کی کولیکشن کیلئے ایک پاکستانی پرائیویٹ کمپنی سے شراکت کرلی۔پیٹرسن ایڈن روب پاکستان کے ملبوسات کی تشہیر کیلئے سبز رنگ کی واسکٹ پہن کر سامنے آگئے جس میں وہ بے حد خوبصورت نظر آرہے ہیں۔
ملبوسات کی تشہیر کیلئے کیون پیٹرسن کی تصاویر انگلینڈ میں لی گئیں جن میں وہ واسکٹ زیب تن کیے نظر آرہے ہیں۔اس کے علاوہ انہوں نے سویٹر اور شلوار قمیض بھی پہن کر تصاویر بنوائیں۔ اس کمپین کے حوالے سے انہوں نے کہا کہ پاکستانی لباس پہن کر بہت اچھا محسوس کیا اور خوشی محسوس کررہا ہوں۔

موضوعات:کیون پیٹرسن