اسلام آباد (مانیٹرنگ ڈیسک ) پاکستانی ملبوسات کوئی پہنے ا ور وہ اچھا نہ لگے ،ایسا ہو ہی نہیں سکتا۔تازہ ترین میڈیا رپورٹس کے مطابق کیون پیٹرسن نے ملبوسات تیار کرنے والے پاکستانی برینڈ کیلئے خصوصی فوٹو شوٹ کروایا ہے جس میں سابق انگلش کرکٹر اور پاکستان سپر لیگ کی ٹیم کوئٹہ گلیڈی ایٹرز کے کھلاڑی کیون پیٹرسن کی جانب سے ملبوسات تیار کرنے والے پاکستانی برینڈ کیلئے خصوصی فوٹو شوٹ کروایا گیا۔ پیٹرسن نے ایڈن راب نامی کمپنی کیلئے پاکستانی ملبوسات زیب تن کرکے فوٹو شوٹ کروایا۔ پیٹرسن کے فوٹو شوٹ کی تصاویر کے سوشل میڈیا پر خوب چرچے ہو رہے ہیں اور پاکستانی لباس زیب تن کیے ان کی تصاویر نے پاکستانیوں کے دل موہ لیے ہیں۔
