نئی دہلی(آئی این پی) بھارتی کرکٹ ٹیم اس وقت کرکٹ کے میدان میں انگلینڈ کے ساتھ نبرد آزما ہے تو دوسری طرف ہندوستانی ٹیم کے بعض کھلاڑی زندگی کی نئی اننگز کھیلنے کی تیاریوں میں مصروف ہیں تو وہیں انڈین میڈیم فاسٹ بالر ایشانت شرما نے بھی بھارت کی معروف باسکٹ بال کھلاڑی پریتما سنگھ سے شادی رچا لی ہے۔
بھارتی نجی چینل این ڈی ٹی وی کے مطابق انڈین کرکٹ ٹیم کے زیادہ تر کھلاڑی ہندوستانی فلموں کی اداکاراں کی زلفوں کے اسیر ہوتے ہیں، تو دوسری طرف ایشانت شرما نے اپنے جیون ساتھی کے لئے کسی اداکارہ کی بجائے باسکٹ بال کی ایک کھلاڑی کا انتخاب کرتے ہوئے اس سے گڑ گاں کے ایک فارم ہاس میں شادی رچا لی ہے۔ ایشانت کی شادی میں بھارتی ون ڈے کرکٹ ٹیم کے کپتان ایس ایم دھونی اور یوراج راج سنگھ سمیت دیگر بھی موجود تھے جنہوں نے اپنے ساتھی کھلاڑی کی شادی میں خوب ہلا گلا اور جم کر مستی کی۔