نئی دہلی (آئی این پی)بھارتی ریاست اتر پردیش میں حکمران سماج وادی پارٹی کے یوتھ ونگ کے سربراہ ترن دیو یادیو نے کرنسی بحران کا ذمہ دار وزیر اعظم نریندر مودی اور بی جے پی کے سربراہ امیت شاہ کو ٹھہراتے ہوئے دونوں لیڈروں کے سر کو پیش کرنے کیلئے انعام کا اعلان کر دیا ۔بھارتی میڈیا کے مطابق ترن دیو یادیوکی ایک متنازعہ ویڈیو سوشل میڈیا پر وائرل ہوگئی ہے جس میں انھوں نے کرنسی بحران کا ذمہ دار وزیر اعظم نریندر مودی اور بی جے پی کے سربراہ امیت شاہ کو ٹھہراتے ہوئے دونوں لیڈروں کے سر کو پیش کرنے کیلئے انعام کا اعلان کیا ہے ۔
پولیس کا کہنا ہے کہ ترن دیو یادیو کے خلاف ایف آئی آر درج کرکے تحقیقات شروع کردی گئی ہے ۔ویڈیو میں ترن دیو یادیو کا کہنا تھاکہ مودی جو کہ 2002میں گجرات میں فسادات کے بھی ذمہ دار ہیں انہیں سخت سردی اور دھند میں غریب اور عمر رسیدہ لوگوں کے قطار میں لگنے کا درد محسوس نہیں ہورہا کئی لوگ زندگی کی بازی ہار چکے ہیں۔ ان حالات کی ذمہ داری مودی اور ان کی جماعت بی جے پی کے سربراہ امیت شاہ پر عائد ہوتی ہے ایسے افراد کے سر کاٹ دینے کی ضرورت ہے اور جو بھی ان کے سر پیش کرے گا۔