اسلام آباد(مانیٹرنگ ڈیسک) پاکستان تحریک انصاف کے چیرمین عمران خان نے وزیراعظم پر قوم اور پارلیمنٹ سے جھوٹ بولنے کا الزام عائد کردیاہے۔اسلام آبادمیں میڈیاسے گفتگوکرتے ہوئے عمران خان نے کہاہے کہ پاناماکے معاملے پرتحریک انصاف نے جوکرناتھاوہ کردیاہے ۔انہوں نے کہاکہ اب شریف فیملی نے اپنی بے گناہی ثابت کرنےکےلئے ثبوت دیئے ہیں ۔
عمران خا ن نے کہاکہ اگرتحریک انصاف سڑکوں پرنہ آتی توکرپٹ حکمران یہ معاملہ بھی دبادیتے لیکن ہماری کوششوں کی وجہ سے آج حکمران خاندان عدالت میں اپنی صفائیاں پیش کررہاہے ۔عمران خان نے اس موقع پرکہاکہ مسلم لیگ(ن) نوازشریف کوبچانے کےلئے ہرجتن کوشش کررہی ہے لیکن سب بے سود ثابت ہوگا۔انہوں نے کہاکہ پاناماکے معاملے پرسپریم کورٹ مقدمے کافیصلہ سنائے تاکہ عوام کی ان حکمرانوں سے جان چھوٹ جائے ۔عمران خان نے پانامالیکس کے معاملے پرکمیشن بنانے کی سخت مخالفت کی اورکہاکہ عدالت کواس مقدمے کافیصلہ سناناچاہیے ۔
