نیو یارک (آئی این پی)فوربز نے سال میں سب سے زیادہ کمانے والے موسیقاروں کی فہرست جاری کردی ہے۔فوربز رپورٹ کے مطابق سال 2016میں سب سے زیادہ کمانے والے موسیقاروں میں 27 سالہ امریکی گلوکارہ ٹیلر سوئفٹ 17 کروڑ ڈالرز کمانے کے بعد سرِ فہرست ہیں۔فہرست میں دوسرے نمبر پر برطانوی پاپ بینڈ ون ڈائریکشن ہے جس نے سال میں 11کروڑ ڈالرز کمائے ہیں اور تیسرے نمبر پر8کروڑ ڈالرز کما کر برطانوی سپراسٹار ایڈیل ہیں۔ٹیلر سوئفٹ کاسرِ فہرست ہونے میں کوئی تعجب نہیں کیوں کہ وہ 2015میں پوری دنیا میں ان کی البم’1989 کے ہونے والے ٹور کے معاوضوں سے لطف اندوز ہو رہی ہے۔گلوکارہ کے’ 1989’ٹور نے صرف امریکا سے 20کروڑ ڈالرز بٹورے اور دنیا بھر سے 25کروڑ ڈالرز کمائے۔ مزید یہ کہ ان کی البم کی 90 لاکھ سے زائد کاپیاں فروخت ہوئیں۔