کراچی(مانیٹرنگ ڈیسک) انٹرنیشنل کرکٹ کونسل نے پاکستانی آل راؤنڈر محمد حفیظ کا باؤلنگ ایکشن کلیئر قرا ر دیدیا۔ میڈیا رپورٹس کے مطابق آئی سی سی نے محمد حفیظ کا باؤلنگ ایکشن کلیئر آنے کے بعد انہیں انٹرنیشنل کرکٹ میں باؤلنگ کرانے کی اجاز ت دیدی ہے۔ انہوں نے 17نومبر کو آسڑیلیا کے شہر برسبن میں باؤلنگ ٹیسٹ دیا تھا جس کے رپورٹ آگئی ہے اور اس میں کہا گیا ہے کہ انکے بازو کا خم 15ڈگری سے کم پایا گیا ہے۔ محمد حفیظ کا باؤلنگ ایکشن گزشتہ سال مشکوک قراردیا گیا تھا جس کے بعد ان پر 7 جولائی 2015ء کو ایک سال کیلئے انٹرنیشنل کرکٹ میں باؤلنگ کرانے پر پابندی لگائی گئی تھی۔