ماسکو(نیوز ڈیسک) روسی کار ساز ادارے کی یہ گاڑی مکمل طور پر ب±لٹ پروف ہے۔ گاڑی کی نشستیں مہنگے ترین چمڑے سے تیار کی گئی ہیں۔ اس شاندار گاڑی کی قیمت گیارہ لاکھ ڈالرز ہے۔ یہ گاڑی لٹویا میں پیدا ہونے والے لیونارڈ ینکولووچ نے تیار کی ہے۔ لیونارڈ ینکولووچ پیشے کے اعتابر سے انجینئر ہیں اور 1990ءکی دہائی سے اس فیلڈ سے وابستہ ہیں۔ اپنے وسیع تجربے کے بعد انہوں نے دنیا کے امیر ترین افراد کیلئے گاڑیاں بنانے کا پروگرام بنایا اور اپنے اس ہدف کی تکمیل کیلئے اس پراجیکٹ سے منسلک ہوگئے۔ یہ گاڑی نہ صرف 312 کلومیٹر فی گھنٹہ کی رفتار سے سڑکوں پر دوڑ سکتی ہے بلکہ اس میں مکمل آرمر پلیٹنگ، ب±لٹ پروف وںڈوز، ایلکٹریفائڈ ڈور ہینڈلز اور دو پٹرول ٹینکس کے علاوہ بے پناہ خصوصیات کی حامل ہے۔ غیر ملکی ادارے سے اپنی اس گاڑی کی بارے گفتگو کرتے ہوئے لیونارڈ ینکولووچ کا کہنا تھا کہ امیر افراد بہت ہی عجیب لوگ ہوتے ہیں۔ اس حوالے سے متحدہ عرب امارات کے ایک امیر ترین شخص کا حوالہ دیتے ہوئے ان کا کہنا تھا کہ انہوں نے دنیا کی مہنگی ترین کار بوگاتی خریدی لیکن وہ اس وقت غیر مطمئن ہوگئے جب ان کے ایک دوست نے ویسی ہی کار خرید کے ان کے سامنے کھڑی کر دی۔ ان کا کہنا تھا کہ یہ بالکل ایسا ہی ہے جیسے دو خواتین ایک جیسا لباس زیب تن کرکے ایک ہی محفل میں اکھٹی شریک ہو جائیں۔ ان کا کہنا تھا کہ انہوں نے یہ کار مخصوص خریداروں کیلئے ہی تیار کی ہے جو مخصوص اور شاندار اشیاءمیں دلچسپی لیتے ہیں۔