اسلام آباد(مانیٹرنگ ڈیسک)نیوزی لینڈ کیخلاف پہلے ٹیسٹ میں ناقص کارکردگی کا اثر پاکستانی کھلاڑیوں کی رینکنگ پر بھی پڑا ہے ۔بیٹنگ میں یونس خان چوتھی سے چھٹی پوزیشن پر چلے گئے ہیں ۔۔کپتان مصباح الحق گیارہویں سے 14ویں نمبر پر آگئے ۔
اسی طرح اظہر علی سولہویں اور اسد شفیق بیس ویں نمبر پر براجمان ہیں ،،رینکنگ میں سٹیو سمتھ پہلے ،جو روٹ دوسرے اور کین ولیمسن تیسرے نمبر ہیں ،،بھارتی کپتان ویرات کوہلی دس درجے چھلانگ لگا کر چوتھے نمبر پر آگئے ہیں جبکہ بائولنگ رینکنگ میں ٹاپ ٹوئنٹی میں کوئی پاکستانی تیز گیند باز شامل نہیں ،،کرائسٹ چرچ ٹیسٹ میں وکٹ سے محروم یاسر شاہ پانچویں سے ساتویں نمبر پر آگئے ہیں ،
،پاکستان کیخلاف تباہ کن بالنگ کرنے والے ڈیبیو ٹانٹ کولن گرینڈ ہوم اکسٹھ ویں نمبر ہیں ۔درجہ بندی کے مطابق بھارتی اسپنر روی چند اشون کی حکمرانی برقرار ہے ،،رنگنا ہیراتھ دوسرے ، جبکہ ڈیل سٹین اور جیمز اینڈرسن بالترتیب تیسری اور چوتھی پوزیشن پر براجمان ہیں۔
