اسلام آباد(مانیٹرنگ ڈیسک) وفاقی وزیرداخلہ چوہدری نثار علی خان نے کہاہے کہ اہم عسکری و سیاسی قیادت کے اجلاس سے متعلق جھوٹی خبر کس نے لیک کی اس کا کوئی ریکارڈ نہیں ملا، تحقیقاتی جاری ہیں، سول ملٹری تعلقات میں تلخی کی خبر سرا سر جھوٹ ہے۔وفاقی وزیرداخلہ چوہدری نثارعلی خان نے پریس کانفرنس سے خطاب کرتے ہوئے کہاکہ اہم عسکری و سیاسی قیادت کے اجلاس سے متعلق جھوٹی خبر کس نے لیک کی اس کا کوئی ریکارڈ نہیں ملا، تحقیقاتی جاری ہیں، سول ملٹری تعلقات میں تلخی کی خبر سرا سر جھوٹ ہے۔آرمی چیف نے وزیراعظم سے کہا تحقیقات کہاں تک پہنچیں، پہلے وزیراعظم اور پھر آرمی چیف کو بریفنگ دی گئی، اپنی چیزیں شیئر کیں جس سے آرمی چیف نے اتفاق کیا، جس نے جھوٹی خبر ڈان کو دی، قوم کے سامنے آنا چاہئے، میٹنگ میں تو وہ بات ہی نہیں ہوئی جو خبر بنی، ملٹری اور حکومت چاہتی ہے اصل کردار کو پکڑا جائے، مجھے یقین دہانی کرائی گئی تھی سرل باہر نہیں جائے گا، پھر کہا گیا وہ باہر گیا تو بلانے پر واپس آئے گا، سرل المیڈا وطن واپس نہ آئے تو قانونی کارروائی کریں گے۔ ان کا کہنا ہے کہ شہریوں کے بنیادی حقوق کا تحفظ ریاست کی ذمہ داری ہے، حکومت نے کسی کی گرفتاری کا حکم نہیں دیا، خیبرپختونخوا کا بند کیا گیا راستہ میں نے کھولنے کا فوری حکم دیا، سڑکوں کی بندش کو پختون اور پنجابی کا مسئلہ بنادیا، کیا کوئی صوبائی حکومت وفاق سے جنگ کرسکتی ہے۔انہوں نے کہاکہ میڈیاقومی معاملات پراحتیاط سے کام لے ۔