وشاکاپٹنم(آئی این پی)بھارتی کھلاڑیوں ایسی چیز پہن کر سامنے آگئے ، تماشائی ہکے بکے رہ گئے نیوزی لینڈ کے خلاف آخری ایک روزہ میچ میں بھارتی ٹیم کے تمام کھلاڑی اپنے ناموں والی جرسیوں بجائے اپنی والدہ کے ناموں والی شرٹس پہن کر شریک ہوئے۔تماشائی ہکے بکے رہ گئے ، بھارتی شہر وشاکا پٹنم کے وائے ڈی سی اے کرکٹ گرانڈ میں کھیلے جا رہے میچ میں بھارتی ٹیم کے تمام کھلاڑی اپنی ماں کے نام والی ٹی شرٹس پہن کر شریک ہیں۔ اس حوالے سے بھارتی کرکٹ ٹیم کے کپتان مہندرا دھونی کا کہنا تھا کہ ہم اکثر اپنے نام کے ساتھ والد کا نام استعمال کرتے ہیں اور ماں کے نام والی جرسیاں پہن کر میچ کھیلنے کا مقصد ماں کی محنت اور اہمیت کو بڑے پلیٹ فارم کے ذریعے عوام کے سامنے لانا ہے، تمام بھارتیوں سے درخواست ہے کہ وہ بھی ماں کی محنت کو مد نظر رکھیں اور ہر روز انہیں خراج تحسین پیش کریں۔