ابو ظہبی(مانیٹرنگ ڈیسک)دنیا کا دوسرا بہترین کھلاڑی،یونس خان نے ایک اور سنگ میل عبور کرلیا،حیرت انگیز انکشاف. پاکستانی قومی کرکٹ ٹیم کے سابق کپتان یونس خان اور ریکارڈز کا آپس میں پراناساتھ ہے۔ایک نجی ٹی وی کی رپورٹ کے مطابق پاکستانی کرکٹ ٹیم کے سابق کپتان اوربیٹسمین یونس خان ٹیسٹ میچوں کی چوتھی اننگز میں 5 سنچریاں بنانے والے دنیا کے واحد بلے باز ہیں۔

یونس خان نے کیرئیر کی 33 میں سے 26 سنچریاں پاکستان سے باہر بنائیں۔ وہ یہ کارنامہ سرانجام دینے والے دنیا کے دوسرے بلے باز ہیں۔ ملک سے باہر زیادہ سنچریاں بنانے کا ریکارڈ سچن ٹنڈولکر کے قبضے میں ہے۔ سابق بھارتی بلے باز نے 51 میں سے 29 سینکڑے غیر ملکی سرزمین پر جڑے۔ یونس خان یو اےای کے میدانوں پر 2433 رنز بنا کر سرفہرست ہیں جس میں 11 سنچریاں بھی شامل ہیں۔اس نئے اعزازکے بعد ان کی رینکنگ بھی بہتری آئے گی جس کی وجہ سے یہ پاکستانیوں کے لئے ایک نیااعزازہوگا۔