کولمبو ( این این آئی )سری لنکن کرکٹ میں بھی جنسی اسکینڈل منظر عام پر آگیا۔کرکٹ ویب سائٹ کی رپورٹ کے مطابق سری لنکن کرکٹ بورڈکی مارکیٹنگ ڈویژن کی سابق سیکرٹری گیاتری وکرماسنگھے نے اپنے خلاف ہونے والی انکوائری کے دوران انکشاف کیاہے کہ بورڈ افسران کی جنسی خواہشات پوری نہ کرنے پر مجھے انتقامی کاروائی کا نشانہ بنایاجارہاہے۔گیاتری نے انکوائری کمیشن کو بتایاکہ سری لنکاکرکٹ میں ملازمت کے دوران مجھے بورڈکے کئی افرادنے جنسی طورپر ہراساں کیاجس سے انکارپر میری کردارکشی شروع کردی گئی۔