اسلام آباد (مانیٹرنگ ڈیسک) پاکستان وہیل چیئر کرکٹ ٹیم نے ملائیشیا میں بھارت کے خلاف سیریز 3-0سے جیت لیا ۔کامیابی کے بعد ٹیم آج شام سری لنکن ائر لائن کے ذریعے کراچی پہنچے گی وزیر اعلیٰ سندھ کے معاؤن خصوصی نادر حسین خواجہ ،ڈائریکٹر کالجز کراچی ریجن پروفیسر ضمیر احمد کھوسو ،VSRکے صدر سید فہد رضوی ،نیشنل بنک کے اسپورٹس کسنلٹنٹ حاجی غلام محمد خان ،ڈپٹی ڈائیریکٹر انفارمیشن بلدیہ کورنگی محمد ارشد اور دیگر کے ہمراہ پاکستان وہیل چیئر کرکٹ ٹیم کا کراچی ائر پورٹ پر استقبال کرینگے ۔دریں اثناء نیشنل بنک اسپورٹس ڈویژن کے سربراہ اویس اسد خان نے پاکستان وہیل چیئر کرکٹ کو بھارت کے خلاف کامیابی پر مبارکباد پیش کی ہے ۔
دوسری جانب سری لنکا نے دورہ زمبابوے کے لیے نائب کپتان چندی مل کو نظرانداز کرتے ہوئے 3 نئے کھلاڑیوں کو 15 رکنی اسکواڈ میں شامل کرلیا ہے۔سری لنکن کرکٹ بورڈ کا کہنا ہے کہ چندی مل ڈومیسٹک میچ کے دوران گزشتہ ماہ انگوٹھے کی انجری کا شکار ہوئے تھے جس سے اب تک مکمل طور پر صحت یاب نہیں ہوسکے ہیں۔سری لنکا ٹیم میں شامل ہونے والے نئے کھلاڑیوں میں کوسان مادوشنکا اور لہیرو کمارا فاسٹ باؤلرز ہیں جبکہ آسیلا گونارتنے کو آل راؤنڈر کے طورپر شامل کیا گیا ہے۔سری لنکا کی ٹیم زمبابوے کے خلاف اپنا پہلا ٹیسٹ 29 اکتوبر سے ہرارے میں کھیلے گی جبکہ دوسرا میچ 6 نومبر کو اسی میدان میں شروع ہوگا۔سری لنکا کی ٹیم ٹیسٹ سیریز کے لیے ان کھلاڑیوں میں اینجیلو میتھیوز (کپتان)، دیمتھ کرونارتنے، کوشل سلوا، کوسل پریرا، کوسل مینڈس، دھنانجیا سلوا، رنگنا ہیراتھ، دلروان پریرا، لکشمن سینڈیکان، سرنگا لکمل، نیروشان ڈک والا، کوسن میدوشنکا، لہیرو کمارا، لہیروگمیج، آسیلا گونارتنے شامل ہیں واضح رہے سری لنکا نے عالمی چمپیئن آسٹریلیا کی ٹیم کو اپنے ہوم گراؤنڈ میں ٹیسٹ سیریز میں وائٹ واش کرکے تاریخ رقم کی تھی۔دورہ زمبابوے میں سری لنکا ٹیسٹ سیریز کے بعد ایک روزہ سہ فریقی سیریز کھیلے گی جس میں میزبان ٹیم کے علاہ ویسٹ انڈیز بھی حصہ لے گی جس کا آغاز 14 نومبر کو ہرارے میں ہوگا۔