اسلام آباد(آن لائن)’’وزیراعظم کے آلو کا تذکرہ ایک بار پھر چھڑ گیا‘‘۔تفصیلات کے مطابق ویسے تو آلو ایسی سبزی ہے جو جس کوگوشت، پالک ، گوبھی،ٹینڈے ،کدو،گاجر سمیت تقریباً تمام سبزیوں اور ڈشوں میں استعمال کیا جاسکتا ہے جس کو کھانے کی اشیاء میں بڑی اہمیت حاصل ہے بالکل اسی طرح آلو کو حکومتی اور اپوزیشن کی صفحوں میں اہمیت حاصل رہی ہے جیسا کہ وزیراعظم نوازشریف نے منگل کو اپنے خطاب میںآلو کی قیمت 25سے 30روپے فی کلوبتائی تو اپوزیشن جماعتوں کی طرف سے اس پر شدید تنقید کی گئی۔خورشید شاہ نے کہا کہ وزیر اعظم بے خبر ہیں جو آلو کی 70 اور 80 روپے کی قیمت کو 25 روپے بتا رہے ہیں،انہیں پتہ نہیں ہوتا وہ کیا کہہ رہے ہیں جب کہ کلثوم نواز آلو ٹماٹر لینے جاتی ہیں اور نہ وزیر اعظم، یہ ان کے مشیروں کا کام ہے جب کہ میں نے کہا تھا چوہدری نثار پہلے اپنے گھر کو سنبھالو۔واضح رہے کہ ایک مرتبہ پہلے بھی وزیراعظم نے اپنے خطاب میں آلو کا ذکر کیا تھا اور اپوزیشن اراکین کی جانب سے قومی اسمبلی میں کہا گیا تھا کہ ’’وزیراعظم کا آلو پانچ روپے کلو‘‘ فروخت ہورہا ہے اور اس آلو کا تذکرہ میڈیا پر بھی کیا جاتا رہا تھا۔