ڈھاکہ(نیوزڈیسک)فتح کے نشے میں چور بنگالی کرکٹرز کا دماغ ساتویں آسمان پر،انگلینڈ کے کھلاڑیوں کو گالیاں دینے کے بعدایک اور’’کارنامہ‘‘ انجام دے ڈالا،تفصیلات کے مطابق دوسرے ون ڈے میں انگلینڈ کو شکست دینے کے بعد بنگلہ دیش کے کھلاڑیوں نے خوب جشن منایا اور جشن منانے میں تمام سپورٹس مین سپرٹ کو ایک سائیڈ پر رکھتے ہوئے حدیں پار کردیں،آئی سی سی نے بنگلہ دیشی کپتان اور کھلاڑی صابر رحمان پر غلطی ثابت ہونے کے بعد بیس فیصد جرمانہ بھی عائد کردیا، جرمانے کے بعد مشرفی مرتضیٰ نے معافی مانگنے سے صاف انکارکردیا، کہتے ہیں کہ ہم خوشیاں منارہے تھے اور خوشیاں منانے پر معافی نہیں مانگ سکتے،جرمانہ کرنے کا فیصلہ میچ ریفری کا ہے جو تسلیم کرتے ہیں۔