اسلام آباد (مانیٹرنگ ڈیسک) پشاور کے نواحی علاقے بہادر کلے میں گھر کے باہر دھماکے سے گیٹ کو نقصان پہنچا تاہم جانی نقصان نہیں ہوا۔ دو سال قبل بھی اسی گھر کے باہر دھماکا کیا گیا جس میں دو بچے زخمی ہوئے تھے۔ پولیس کے مطابق کوہاٹ روڈ پر واقع گاوں بہادر کلے میں زاہد علی شاہ نامی شخص گھر کے باہربارودی مواد نصب تھا، جو دھماکے سے پھٹ گیا جس سے گھر کے گیٹ کو نقصان پہنچا تاہم جانی نقصان نہیں ہوا۔دھماکے سے قریب کے لوگوں میں خوف و حراس پھیل گیا۔ پولیس نے اس علاقے کو فوری طور پر اپنی حراست میں لے لیا۔ پولیس کے مطابق بارودی مواد تین کلو وزنی تھا۔ گھر کے مکینوں کے مطابق 2013 میں بھی افغانستان کے نمبر سے بھتے کی کالیں موصول ہوئی تھیں، جس کے بعد بھتا خوروں نے دھماکا کیا تھا جس سے دو بچے زخمی ہوگئے تھے۔