لاہور(این این آئی ) پاکستان کرکٹ بورڈ قومی کرکٹرز کو تنخواہوں میں اضافے کے بغیر نیا سینٹرل کنٹریکٹ آئندہ ہفتے جاری کریگا،شاہد آفریدی اور سعید اجمل کے نام نئے کنٹریکٹ کی حتمی فہرست سے خارج کردئیے گئے۔پی سی بی ذرائع کے مطابق قومی کرکٹر کے نئے سینٹرل کنٹریکٹ کی فہرست مکمل کرلی گئی ہے جس کی حتمی منظوری چیئرمین پی سی بی شہریاخان دیں گے اور اس کا اعلان آئندہ کردیا جائیگا۔ ذرائع کے مطابق سینٹرل کنٹریکٹ تیار کرنیوالی کمیٹی نے سابق کپتان شاہد آفریدی اور سعید اجمل کو کنٹریکٹ سے فارغ کردیا ہے جبکہ ان دونوں کو ملنے والی مالی مراعات روکنے کا حتمی فیصلہ شہریارخان کرینگے۔نئے سینٹرل کنٹریکٹ میں ٹی ٹونٹی کپتان سرفراز احمد کو اے کیٹگری میں ترقی دیدی گئی ہے جبکہ اوپنر بلے باز شرجیل خان اور فاسٹ بالر سہیل خان ایک سال بعد سینٹرل کنٹریکٹ میں واپس آگئے ہیں۔ پی سی بی نے نئے سینٹرل کنٹریکٹ میں کھلاڑیوں کی تنخواہوں میں اضافہ نہ کرنے کا فیصلہ برقرار رکھا ہے اور اینکریمنٹ کے بغیر ہی پرانی تنخواہوں پر کرکٹرز کو نیا کنٹریکٹ دیا جائیگا

موضوعات:پی سی بی سعید اجمل شاہد آفریدی