اسلام آباد(مانیٹرنگ ڈیسک) افغان صدراشرف غنی نے کہاہے کہ بھارت سے چاہ بہار معاہدہ خطے میں پاکستان کی اجارہ داری ختم کردیگا لہذا بھارت اور افغانستان کو اس بات سے پریشان نہیں ہونا چاہیے کہ پاکستان ان کا تجارتی راستہ بند کر دیگا۔ تقریب سے خطاب کرتے ہوئے افغان صدر اشرف غنی نے کہاکہ بھارت اور افغانستان اس بات سے کیوں پریشان ہیں کہ پاکستان ان کا تجارتی راستہ بند کر دیگا انہوں نے کہاکہ چاہ بہار معاہدہ خطے میں پاکستان کی اجارہ داری ختم کردے گا لہذا بھارت، پاکستان کو بائی پاس کرتے ہوئے تجارتی اشیاء سمندری اور زمینی راستوں سے افغانستان پہنچا سکے گا۔ یاد رہے کہ ایک روز قبل اشرف غنی کے دورہ بھارت کے دوران دونوں ممالک کے درمیان مطلوب دہشتگردوں کے تبادلے سمیت 3 معاہدوں پر دستخط کیے گئے ہیں ۔اگلے 5 برسوں میں باہمی تجارت کو 10 ارب ڈالر تک لے جانے کا عزم بھی کیا گیا اور بھار ت نے اصلاح اور استحکام کے نام پر افغانستان کو سالانہ ایک ارب ڈالر امداد دینے کا اعلان کیا۔

موضوعات:افغان صدر