کولمبو (مانیٹرنگ ڈیسک)پاکستان نے کیمپس کرکٹ ورلڈ فائنل میں سری لنکا کو شکست دیدی، یونیورسٹی آف سینٹرل پنجاب نے بزنس مینجمنٹ اسکول کولمبو کیخلاف 5 وکٹوں سے کامیابی حاصل کی۔سری لنکا میں جاری ٹی 20 کیمپس کرکٹ ورلڈ فائنلز 2016ء کے میچ میں یونیوسٹی آف سینٹرل پنجاب کا مقابلہ بزنس مینجمنٹ اسکول کولمبو سے تھا، میزبان ٹیم نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 170 رنز بنائے، ایس این جے سوریا نے 37 گیندوں پر 53 رنز کی جارحانہ اننگز کھیلی، حیدر علی نے 34 رنز دے کر 4 شکار کئے۔پاکستانی ٹیم نے 171 رنز کا ہدف جنید علی اور محمد محسن کی جارحانہ نصف سنچریوں کی بدولت 7 گیندوں قبل باآسانی حاصل کرلیا، جنید نے 43 گیندوں پر 69 اور محسن نے 41 گیندوں 54 رنز کی شاندار اننگز کھیلیں۔ جے سوریا نے 2 وکٹیں لیں۔

موضوعات:سری لنکا