اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے حیران کن انکشاف کر دیا۔ نجی ٹی وی پروگرام میں گفتگو کرتے ہوئے کہا کہ ماضی میں الطاف حسین اتنا کچھ کہہ چکے ہیں کہ اس پر کبھی کوئی کارروائی نہیں کی گئی تو اب اتنی سخت کارروائیاں کیوں؟ ماضی میں ایک بار دہلی میں الطاف حسین انتہائی خطرناک تقریر کی تھی ۔ اس کے بعد دہلی میں پاکستان کے ہائی کمیشن عزیز احمد کو کہا گیا تھا کہ الطاف حسین کے اعزاز میں ایک تقریب رکھی جائے۔
سینئر تجزیہ نگار محمد عامر متین کی بات کے جواب میں سینئر تجزیہ نگار رؤف کلاسرا نے کہا کہ دہلی میں پاکستانی ہائی کمیشن میں رائے ریاض پریس سیکرٹری تھے انہوں نے بھی یہ واقعہ اپنے کالم میں لکھا ہے کہ دہلی میں پاکستان کیخلاف الطاف حسین کی انتہائی سخت اور متنازعہ تقریر کے بعد اسی شام ہمیں اسلام آباد سے جنرل مشرف کے دفتر سے فون آیا کہ الطاف حسین کو پاکستانی ہائی کمیشن بلایا جائے اور ان کے اعزاز میں ڈنر رکھا جائے۔
سینئر تجزیہ نگار رؤف کلاسرا نے کہا کہ اس دن الطاف حسین نے کہا تھا کہ پاکستان بنانا ایک بھیانک غلطی تھی اور مشرف صاحب نے حکم دیا کہ اسی شام الطاف حسین کیلئے شاندار تقریب اور ڈنر کا اہتمام کیا جائے۔ رؤف کلاسرا نے کہا کہ صدر مشرف کے حکم پر الطاف حسین کے اعزاز میں ضیافت ہوئی اور ہائی کمیشن کا سٹاف اس پر انتہائی شش و پنج میں تھا لیکن انہیں حکم کی تعمیل کرنا تھی۔

موضوعات:الطاف حسین مشرف دور