راولپنڈی(مانیٹرنگ ڈیسک)پاک فوج کے جوانوں نے چین میں اسنائپنگ اور شوٹنگ کا عالمی مقابلہ اپنے نام کرلیا۔پاک فوج کے شعبہ تعلقات عامہ (آئی ایس پی آر) کے مطابق پاک آرمی کی ٹیم نے تمام انفرادی اور ٹیم ایونٹس میں پہلی پوزیشن حاصل کی۔پاک فوج کے نائیک ارشد مقابلے کے بہترین اسنائپر قرار پائے۔بین الاقوامی اسنائپنگ مقابلہ چین کے دارالحکومت بیجنگ میں ہوا، جس میں 14 ممالک کی 21 ٹیموں نے حصہ لیا۔یاد رہے کہ رواں سال جولائی میں پاک فضائیہ کے سی 130 ہرکولس ٹرانسپورٹ ایئرکرافٹ نے برطانیہ میں ہونے والے ’رائل انٹرنیشنل ایئر ٹیٹو شو‘ میں فتح حاصل کی تھی۔برطانیہ کے رائل ایئر فورس بیس فیئر فورڈ میں ہونے والے شو میں 50 ممالک کے 200 سے زائد طیاروں نے حصہ لیا، جس میں پاکستان کی نمائندگی سی 130 طیارے نے کی، جہاں پاک فضائیہ نے یہ منفرد اعزاز حاصل کیا۔گزشتہ سال پاک فوج کی ٹیم نے برطانوی آرمی کے ’ایکسرسائز کیمبرائن پٹرول‘ ایونٹ میں بھی تقریباً 140 ٹیموں کو پیچھے چھوڑتے ہوئے سونے کا تمغہ حاصل کیا تھا۔