اسلام آباد(مانیٹرنگ ڈیسک) بھارتی بحریہ کواس وقت ایک اہم اسٹریٹجک دھچکا لگا جب اس کے چھ سکارپین کلاس آبدوزوں سے متعلق ڈیٹا لیک کر دیا گیا ۔آسٹریلیاکے ایک اخبار نے ڈیٹا کے لیک کی خبر دی اور اسے ایک شاندار لیک قرار دیتے ہوئے کہا ہے کہ یہ چھ سکارپین کلاس آبدوزوں کے پورے خفیہ کے جنگی صلاحیت کی تفصیلات ہے ۔ لیک شدہ دستاویزات فرانسیسی ڈیزائنر ڈی سی این ایس کمپنی کی کچھ 22ہزارصفحات پر مشتمل ہیں اور ان دستاویزات میں آبدوزوں کے پورے خفیہ کے جنگی صلاحیت ٹارپیڈو لانچ، نیویگیشن اور مواصلات کا نظام ، پانی کے اندر اور اس سے اوپر سینسرز کی تفصیلات شامل ہیں۔
بھارتی وزارت دفاع نے ڈیٹا لیک کی تصدیق کی ہے اور اس معاملے کی سنجیدگی سے تحقیقات کی جارہی ہے۔بھارتی وزیر دفاع منوہر پاریکر نے آبدوزوں کے حساس ڈیٹا کی مبینہ لیک پر نیوی کے سربراہ سے رپورٹ طلب کرلی ہے۔ نئی دہلی میں صحافیوں سے بات کرتے ہوئے بھارتی وزیر دفاع منوہر پاریکر نے کہا کہ پہلا قدم اس بات کی نشاندہی کرنا ہے کہ یہ ہم سے متعلق ہے کہ نہیں ۔ انہوں نے کہا کہ بحریہ کے سربراہ ایڈمرل سنیل لانبا کو اس کا تجزیہ کرنے کے لئے کہا گیا ہے کہ یہ آیا یہ ہیکنگ ہے کہ 100 فیصد لیک کا ایک ایکٹ ۔ انہوں نے کہا کہ آدھی رات کو یہ معاملہ میرے علم میں آیا اور تمام تفصیلات حاصل کرنے کے لئے نیوی چیف کو تحقیقات کا حکم دیا گیا ہے ۔فرانس کی آبدوز بنانے والی ڈی سی این ایس کمپنی تین ارب 46کروڑ امریکی ڈالر کی لاگت سے ممبئی میں چھ ڈیزل الیکٹرک آبدوز تیار کررہی ہے ۔