لاہور( این این آئی) لاہور سے امریکہ جانے والی پی آئی اے کی پرواز کی سینئر ایئر ہوسٹس کے سامان سے دو کلو گرام سونا برآمد کر لیا گیا ،کسٹم حکام نے فضائی میزبان کو حراست میں لے کر پوچھ گچھ شروع کر دی ۔ گزشتہ روز لاہور کے علامہ اقبال انٹر نیشنل ائیر پورٹ پرلاہور سے امریکہ جانے والی پی آئی اے کی پرواز پی کے 721کی سینئر ائیر ہوسٹس نزہت بخاری کے سامان کی تلاشی لی گئی جس میں سے دو کلو گرام سونا برآمد ہو گیا ۔ کسٹم حکام نے ائیر ہوسٹس کی طرف سے تسلی بخش جواب نہ ملنے پر انہیں حراست میں لے کر تحقیقات کا کا آغاز کردیا ہے ۔ بتایاگیا ہے کہ نزہت بخاری کراچی کی رہائشی ہیں اور انکی گزشتہ روز لاہور سے امریکہ جانے والی پی آئی اے کی پرواز میں ڈیوٹی تھی ۔ ائیر ہوسٹس نے ابتدائی بیان میں موقف اپنا یا ہے کہ سونا ان کا ذاتی ملکیت ہے ۔ذرائع کے مطابق سونا جیولری کی صورت میں ہے ۔

موضوعات:ایان علی