اسلام آباد (مانیٹرنگ ڈیسک) پاکستان کے سب سے کامیاب کپتان کے لئے ایک سروے میں عمران خان اور مصباح الحق میں انتہائی سخت مقابلہ ہے۔ کرکٹ کی معروف ویب سائٹ ’’ کرک انفو‘‘ کے ایک سروے میں پاکستان کے کامیاب کپتان کے بارے میں سوال پوچھا گیا ہے۔ اس سلسلے میں عمران خان، وسیم اکرم، عبدالحفیظ کاردار، انضمام الحق اور مصباح الحق کے نام دیئے گئے ہیں۔ اب تک اس سروے میں 27ہزار سے زائد شائقین نے اپنی رائے کا اظہار کیا ہے۔ عمران خان 12760(47.40فیصد)ووٹ لے کر سب سے کامیاب کپتان قرار پائے ہیں۔ ان کا موجودہ ٹیسٹ کپتان مصباح الحق سے سخت مقابلہ ہے۔ مصباح الحق نے 12020(45.30فیصد)ووٹ لئے ہیں۔ اس فہرست میں شامل لیجنڈ آل راونڈر وسیم اکرم صرف 986ووٹ لے سکے۔ سابق کپتان انضمام الحق کو 879ووٹ ملے۔عبدالحفیظ کاردار 268ووٹ لے سکے۔کرکٹ ماہرین اس موقع پر سر جوڑے بیٹھے ہیں اور ان کیلئے بھی یہ فیصلہ کرنا مشکل ہو رہا ہے کہ کون پاکستان کا بہترین ٹیسٹ کپتان ہے۔