اسلام آباد (مانیٹرنگ ڈیسک)وزیراعظم میاں محمد نواز شریف ایک روزہ دورے پر کراچی پہنچ گئے ہیں،وہ نیشنل بینک میں یوتھ لون پروگرام کی تقریب میں شرکت اورپاک بحریہ کے فلیٹ ٹینکر کا افتتاح کریں گے۔وفاقی وزیر خزانہ اسحاق ڈار بھی دورے پر ان کے ہمراہ ہیں۔ایئر پورٹ پر گورنر سندھ ڈاکٹر عشرت العباد اور وزیر اعلیٰ سندھ مراد علی شاہ نے وزیراعظم کااستقبال کیا۔مسلم لیگ ن کے رہنما سینیٹر سلیم ضیاء ، مسلم لیگ (ن)سندھ کے صدر اسماعیل راہو اورپارٹی کے صوبائی سیکریٹری جنرل نہال ہاشمی بھی موجود تھے۔ذرائع کے مطابق وزیر اعظم نواز شریف نماز جمعہ گورنرہاؤ س میں ادا کریں گے،وہ وزیراعظم نیشنل بینک میں یوتھ لون پروگرام کی تقریب میں بھی شرکت کریں گے۔وزیر اعظم کو نیشنل بینک کی کارکردگی پر بریفنگ بھی دی جائے گی۔

موضوعات:پاک بحریہ