لاہور (این این آئی)غالب مارکیٹ پولیس نے خفیہ اطلاع پر نجی ہوسٹل میں چھاپہ مار کر 7 مرد و خواتین کو گرفتار کرلیا۔

پولیس کے مطابق گرفتاریاں خفیہ اطلاع پر کی جانے والی کارروائی کے دوران عمل میں آئیں، جہاں ملزمان کو مبینہ طور پر غیر اخلاقی سرگرمیوں میں ملوث پایا گیا۔حکام کا کہنا ہے کہ ملزمان کے خلاف مقدمہ درج کرکے کیس انویسٹی گیشن ونگ کے حوالے کردیا گیا ہے۔ایس پی کے مطابق گیسٹ ہائوسز اور سیلون کی آڑ میں قائم غیر اخلاقی سرگرمیوں کو کسی صورت برداشت نہیں کیا جائے گا اور اس حوالے سے کارروائیاں جاری رہیں گی۔