اسلام آباد (نیوز ڈیسک) اسکاٹ لینڈ میں اسکاٹش ٹیم Glasgow Celtics اور اسرائیلی ٹیم Hapoel Beer Sheva کے درمیان ایک فٹ بال میچ کھیلا گیا۔ میچ کا ایک دلچسپ پہلو یہ تھا کہ اس موقع پر میزبان ٹیم کے پرستاروں نے فلسطینی پرچم تھام رکھے تھے۔سیلٹک پارک میں کھیلا گیا یہ میچ UEFA چیمپیئنز لیگ ٹورنامنٹ کے لیے کوالیفائی کرنے کے سلسلے میں بین الاقوامی پلے آف گیم تھا۔میچ کے دوران جاری ہونے والی تصاویر میں پورے اسٹیڈیم میں فلسطینی پرچموں کو لہراتے ہوئے دیکھا جاسکتا ہے۔ ان مناظر نے یقینی طور پر اسرائیلی ٹیم کو “مشتعل” کر دیا جو اپنے حریف کے مقابل یہ میچ 2 کے مقابلے میں 5 گول سے ہار بیٹھی۔اسٹیڈیم کی انتظامیہ کی جانب سے پابندی کے باوجود اسکاٹش ٹیم کے پرستاروں نے اسٹیڈیم میں فلسطینی پرچموں کی بہار کا سماں پیدا کر دیا۔واضح رہے کہ Glasgow Celtics کی ٹیم کے پرستار اسرائیلی قبضے کے خلاف بڑے پیمانے پر مسئلہ فلسطین کو سپورٹ کرتے ہیں اور یہ پہلی مرتبہ نہیں ہے کہ ٹیم کے پرستاروں کی جانب سے کسی میچ کے دوران فلسطینی پرچموں کو لہرایا گیا۔