لاہور(آئی این پی) قومی ٹیم کے فاسٹ بالر محمد عامر انوکھے ریکارڈ کے مالک بن گئے ہیں۔ 24 سالہ محمد عامر نے اب تک اپنے ٹیسٹ کیریئر میں 18میچز کھیلے ہیں تاہم حیران کن طور پر پیسر نے ابھی تک ایک بھی کیچ نہیں لیا ہے جو ایک منفرد ریکارڈ ہے۔ اس سے قبل یہ ریکارڈ انگلینڈ کے جیف پلر کے پاس تھا جنہوں نے اپنے پہلے 16 ٹیسٹ میچز میں کوئی کیچ نہیں لیا تھا تاہم 17ویں میچ میں ان کی قسمت جاگ اٹھی یہاں یہ بات قابل ذکر ہے کہ عامر نے 2009-10 میں دورہ آسٹریلیا کے دوران ہوبارٹ ٹیسٹ میں محمد عامر نے محمد آصف کی بال پر رکی پوٹنگ کا کیچ ڈراپ کیا تھا جب وہ صفر پر کھیل رہے تھے رکنی پونٹنگ نے اس کا فائدہ اٹھاتے ہوئے اپنی 220 رنز کی شاندار اننگز کھیلی تھی۔