ٹوکیو(این این آئی)جاپان نے کہا ہے کہ وہ زمین سے سمندر میں مار کرنے والے میزائل نصب کرے گا۔میڈیارپورٹس کے مطابق اس منصوبے کا مقصد دور دراز واقع جنوبی جزائر میں اپنی دفاعی صلاحیت کو بہتر بنانا بتایا گیا ہے۔ ان متنازعہ جزائر اور ان کے قریبی علاقوں میں چین اپنا عسکری اثر و رسوخ بڑھانے کی کوشش میں ہے۔ ٹوکیو حکومت کی طرف سے آج جاری کردہ ایک تازہ رپورٹ میں اس منصوبے کی تفصیلات بتانے کے علاوہ ان متنازعہ جزائر کے قریب چین کی بڑھتی ہوئی سرگرمیوں پر تشویش کا اظہار بھی کیا گیا ہے۔