اسلام آباد (مانیٹرنگ ڈیسک )محکمہ موسمیات نے آئندہ 24گھنٹوں کے دوران ملک کے بیشتر علاقوں میں موسم گرم اور مرطوب رہنے کی پیشن گوئی کرتے ہوئے کہا ہے کہ اس دوران راولپنڈی، گوجرانوالہ، لاہور، سرگودھا، مالاکنڈ، ہزارہ، پشاور، کوہاٹ ڈویژن، اسلام آباد، فاٹا، گلگت بلتستان اور کشمیر میں چند مقامات پر گرج چمک کیساتھ بارش کا امکان ہے۔فورکاسٹنگ آفیسر مزمل حسین کے مطابق اگلے 48گھنٹوں کے دوران ملک کے بیشتر علاقوں میں موسم گرم اور مرطوب رہے گاتاہم راولپنڈی، گوجرانوالہ، لاہور، سرگودھا، مالاکنڈ، ہزارہ، پشاور، کوہاٹ ڈویژن، اسلام آباد، فاٹا، گلگت بلتستان اور کشمیر میں چند مقامات پر گرج چمک کیساتھ بارش کی توقع ہے۔
انہوں نے بتایا کہ گزشتہ 24گھنٹوں کے دوران ملک کے بیشتر علاقوں میں موسم گرم اور خشک رہا تاہم مالاکنڈ، ژوب ڈویژن ، کشمیر اور گلگت بلتستان میں چند مقامات پر بارش ہوئی۔خیبرپختونخوا کے علاقوں مالم جبہ 28، دیر 06، کشمیر کے اضلاع گڑھی دوپٹہ 27،بلوچستان کے علاقوں ژوب 19، گلگت بلتستان: بگروٹ01 ملی میٹر بارش ریکارڈ کی گئی۔