لاہور ( این این آئی) پاکستان انٹرنیشنل ائیر لائنز کی ایئر ہوسٹس کی شکایت پر مانچسٹر سے آنے والے دو بھائیوں کو اے ایس ایف نے حراست میں لے لیا۔بتایا گیا ہے کہ مانچسٹر سے آنے والی قومی ائیر لائنز کی پرواز پی کے 710میں سوار دو بھائیوں محمد منور اور محمد ثاقت نے دوران پرواز وقت پر کھانا نہ دینے پر ائیر ہوسٹس آمنہ سے تلخ کلامی کی۔جیسے ہی جہاز مانچسٹر سے لاہور پہنچا ، ایئرہوسٹس آمنہ نے دونوں بھائیوں کے خلاف انتظامیہ کو شکایت کر دی۔ائیر ہوسٹس کی شکایت پر دو مسافر بھائیوں کو حراست میں لے لیا گیا۔