استنبول(آئی این پی) ترکی میں ناکام فوجی بغاوت کے بعد استبول میں جمہوریت کے حق کے لیے ریلی نکالی گئی جس میں لاکھوں افراد نے شرکت کی ۔غیر ملکی میڈیا کے مطابق ترکی میں ناکام فوجی بغاوت کے بعد استبول میں جمہوریت کے حق کے لیے ریلی نکالی گئی جس میں لاکھوں افراد شریک ہوئے ۔ میڈیا رپورٹس کے مطابق ریلی میں 35 لاکھ افراد شریک ہوئے ۔15 جولائی کو صدر رجب طیب اردگان کے اقتدار کو ختم کرنے کی ناکام کوشش کے بعد سے ترکی میں ہر شام کو ہی عوام سڑکوں پر نکل کر اردگان سے حمایت کا اظہار کرتے ہیں۔ اس ناکام فوجی بغاوت کے نتیجے میں 273 افراد مارے گئے تھے جس کے بعد حکومت نے باغی عناصر کے خلاف بڑے پیمانے پر کریک ڈان شروع کر رکھا ہے۔ ترک صدر رجب طیب اردگان نے ملک میں بغاوت کی کوشش کو ناکام بنانے پر عوام کو ہیرو قرار دیتے ہوئے کہا ہے کہ ترکوں نے ثابت کیا ہے کہ وہ کسی بغاوت کو ناکام بنانے کے لئے کافی ہیں،اگر بغاوت کامیاب ہو جاتی تو ہم اپنی سرزمین سے محروم ہو جاتے،دنیا ترک عوام کی طرف دیکھ رہی ہے ،آپ کو اس پر فخر ہونا چاہیے،اگر عوام چاہے کہ باغیوں کو سزا موت دی جائے تو پارٹیوں کو یہ بات ماننا ہو گی۔غیر ملکی میڈیا کے مطابق ترکی میں بغاوت کی کوشش ناکام ہونے کے بعد جمہوریت کے حق میں حکومت اور اپوزیشن نے مشترکہ ریلی نکالی جس میں 10لاکھ سے زائد عوام نے شرکت کی ۔اس موقع پر ترک صدر نے خطاب کیا ،ترک وزیر اعظم اور اپوزیشن لیڈر کمال کلیت شدار اوگلو بھی ریلی میں شریک تھے۔ رجب طیب اردگان نے کہاکہ ترکوں نے ثابت کیا ہے کہ وہ کسی بغاوت کا ناکام بنانے کے لئے کافی ہیں ، اگر عوام چاہے کہ باغیوں کو سزا موت دی جائے تو پارٹیوں کو یہ بات ماننا ہو گی ۔انھوں نے کہاکہ دنیا ترک عوام کی طرف دیکھ رہی ہے ،آپ کو اس پر فخر ہونا چاہیے ، آپ سب نے مل کر آزادی اور جمہوریت کی لڑائی لڑی ہے ، آپ سب ہیرو ہیں ۔ترک صدر نے کہاکہ اگر بغاوت کامیاب ہو جاتی تو ہم اپنی سرزمین سے محروم ہو جاتے ۔