نیویارک(این این آئی) امریکی صدارتی امیدوار ڈونلڈ ٹرمپ کو مسلمانوں کی مخالفت مہنگی پڑنے لگی ہے اور ان کی ریٹنگ میں مسلسل کمی ہورہی ہے۔امریکی میڈیا کے مطابق مسلم خاندان پر تنقید کے بعد ٹرمپ کی ریٹنگ میں مسلسل کمی کا سلسلہ جاری ہے۔ تازہ سروے کے مطابق ہلیری کلنٹن کو15 پوائنٹس کی برتری حاصل ہوگئی ہے جو اس سے پہلے سات پوائنٹس تھی۔ ہیلری کو 47 فیصد جبکہ ٹرمپ کو 32 فیصد عوامی حمایت حاصل ہے۔ واضح رہے کہ ٹرمپ نے امریکی مسلمانوں کو شدید تنقید کا نشانہ بنایا تھا جس کے بعد عراق میں اپنے فوجی بیٹے کو کھونے والے ایک پاکستانی خضر خان نے ٹرمپ کو منہ توڑ جواب دیا تھا۔