ورجینیا(مانیٹرنگ ڈیسک)امریکی صدارتی امیدوار ڈونلڈ ٹرمپ روز کسی نہ کسی نئے تنازع کے سبب خبروں کی زینت بنے رہتے ہیں ۔گزشتہ روز انہوں نے ورجینیامیں انتخابی ریلی میں بچے کے رونے پر ماں بیٹے کو ہال سے باہر نکال دیا ۔دوسری جانب ڈونلڈ ٹرمپ نے اپنی ہی پارٹی سے تعلق رکھنے والے ایوان نمائندگان کے اسپیکر پال ریان اور سینیٹر جان مک مکین کی سینیٹر شپ کے لیے حمایت کرنے سے انکار کردیا ہے ،میڈیارپورٹس کے مطابق ریاست ورجینیا میں انتخابی ریلی کے دوران ہال میں جب ایک بچہ رونے لگا تو پہلے تو ٹرمپ نے کچھ نہیں کہا لیکن جب بچہ چْپ نہ ہوا تو ٹرمپ نے ماں کو بچے سمیت ہال سے باہر نکل جانے کا کہہ دیا ۔دوسری جانب ڈونلڈ ٹرمپ نے اپنی ہی پارٹی سے تعلق رکھنے والے ایوان نمائندگان کے اسپیکر پال ریان اور سینیٹر جان مک مکین کی سینیٹر شپ کے لیے حمایت کرنے سے انکار کردیا ہے ۔ٹرمپ کے حالیہ بیانات پر تنقید کرنے والوں میں ریاست نیو جرسی کے گورنر بھی شامل ہوگئے ہیں ۔ گورنر کرس کرسٹی کا تعلق بھی ری پبلکن پارٹی سے ہے تاہم انہوں نے بھی ٹرمپ کے مسلم خاندان پر تنقید کو نامناسب قرار دیا ۔