اسلام آباد(مانیٹرنگ ڈیسک) بھارتی وزیرداخلہ راج ناتھ بدھ کو پاکستان کے 2روزہ دورے پر اسلام آباد پہنچیں گئے جہاں وہ سارک ممالک کے وزرائے داخلہ کے اجلاس میں شرکت کریں گئے ،اس موقع پر سیکورٹی کے انتہائی سخت انتظامات کیے گئے ہیں،بھارتی میڈیا نے دعویٰ کیاہے کہ راجناتھ سنگھ دورہ پاکستان کے دوران سرحد پار دہشتگردی اور عسکریت پسندی کی حمایت کا مسئلہ اٹھائیں گے۔تفصیلات کے مطابق بھارتی وزیرداخلہ راج ناتھسارک ممالک کے وزرائے داخلہ کے اجلاس میں شرکت کیلئے بدھ کو پاکستان کے 2روزہ دورے پر اسلام آباد پہنچیں گئے اس موقع پر سیکورٹی کے انتہائی سخت انتظامات کیے گئے ہیں۔بھارتی وزیر داخلہ کا دورہ پاکستان ایسے موقع پر ہو رہا ہے مقبوضہ کشمیر میں بھارتی تشدد سے شہادتوں کاسلسلہ جاری ہے اوربھارتی وزیر داخلہ ا پنے سیکو رٹی اداروں کو لگام دینے کے بجائے پاکستان پر الزام عائدکرتے رہے ہیں۔
دوسری جانب بھارتی میڈیا نے دعویٰ کیا ہے کہ وزیر داخلہ راجناتھ سنگھ علاقائی تعاون تنظیم سارک کے وزرائے داخلہ کے اجلاس میں شرکت کیلئے دورہ پاکستان کے دوران سرحد پار دہشتگردی اور عسکریت پسندی کی حمایت کا مسئلہ اٹھائیں گے۔اجلاس کے موقع پر وزیر داخلہ راجناتھ سنگھ کی پاکستان کے ساتھ دوطرفہ مذاکرت کی کوئی منصوبہ بندی نہیں کی گئی ہے۔راجناتھ سنگھ کے ہمراہ مرکزی سیکرٹری داخلہ راجیو مہرشی اور وزارت داخلہ کے دیگر سینئر افسران بھی ہونگے۔دورہ پاکستان سے قبل پیر کو راجناتھ سنگھ نے ایک اعلی سطحٰی اجلاس کی صدارت بھی کی۔بھارتی وزارت خارجہ نے راجناتھ سنگھ کی پاکستانی حکام کے ساتھ دوطرفہ بات چیت کے امکان کو مسترد کرتے ہوئے کہا ہے کہ بھارتی وزیر داخلہ کا دورے کا واضح مقصد سارک ممالک کی وزراء4 داخلہ کی کانفرنس میں شرکت ہے۔