واشنگٹن(این این آئی) امریکی خفیہ ایجنسی ایف بی آئی نے خبردار کیا ہے کہ جنگجو گروپ داعش اس وقت یورپ میں بہت بڑے پیمانے پر حملوں کی منصوبہ بندی کر رہا ہے۔ یہ حملے برسلز یا پیرس کی طرف کے ہو سکتے ہیں،میڈیارپورٹس کے مطابق ایف بی آئی کی ایک رپورٹ میں کہا گیا ہے کہ لندن اور برلن سمیت یورپ میں کسی بھی جگہ شاپنگ سنٹرز، سکولوں ، سرکاری عمارات یا ہوٹلز کو نشانہ بنایا جا سکتا ہے۔واضح رہے کہ جرمنی میں ایک شاپنگ مال اور فرانس میں ایک ہوٹل کو نشانہ بنایا جا چکا ہے جن میں متعدد افراد ہلاک ہوئے تھے۔