انقرہ(آئی این پی)ترکی اور روس کے تعلقات میں بڑا بریک تھرو،ایسا اعلان ہوگیا جس کا کسی کے وہم و گمان میں بھی نہ تھا،ترکی اور روس کے سفارتی تعلقات میں کشیدگی کم ہونے لگی،ترک صدر طیب اردگان دورہ روس میں ولادی میر پیوٹن سے ملاقات کریں گے۔غیر ملکی میڈیا کے مطابق ترک صدر طیب اردوان نو اگست کو روس کا دورہ کریں گے۔ طیب اردوان روسی ہم منصب ولادی میر پیوٹن سے سینٹ پیٹرز برگ میں ملاقات کریں گے جس میں دونوں ممالک کے باہمی تعلقات او ر عالمی معاملات زیر بحث آئیں گے۔ ترکی کی جانب سے روسی جنگی طیارہ گرائے جانے کے بعد دونوں رہنماں کی پہلی ملاقات ہو گی۔ دوسری طرف ترکی کی ناکام بغاوت کے بعد باغیوں کی پکڑ دھکڑ جاری ہے۔