بیجنگ(مانیٹرنگ ڈیسک)چین کے شمالی اور وسطی حصوں میں بارشوں اور سیلاب سے 78 افراد ہلاک اور درجنوں لاپتہ ہوگئے ،صوبہ ہیبی اور ہینان میں ہزاروں مکان تباہ ہوگئے جبکہ فصلوں کو بھی بھاری نقصان پہنچا ، سیلاب زدہ علاقوں سے ا یک کروڑ 72 لاکھ افراد نقل مکانی پر مجبور ہوئے ، متاثرہ علاقے کے رہائشیوں نے موسمی حالات کی بروقت اطلاع نہ دینے پر مقامی حکام کو مورد الزام ٹھہرایا ہے ،بہت سارے علاقوں میں بجلی کی فراہمی بھی معطل ہے اور مواصلاتی اور آمدورفت کا نظام بھی متاثر ہوا ہے،ادھرچینی حکام نے کہاہے کہ رواں سال بارشوں اور سیلاب میں 200 سے زائد افراد ہلاک ہوچکے ہیں، سیلاب زدہ علاقوں کے لیے فنڈز جاری کریں گے،چین کے سرکاری میڈیا اور حکام کے مطابق ملک کے شمالی اور وسطی حصوں میں بارشوں اور سیلاب سے کم از کم 78 افراد ہلاک اور درجنوں لاپتہ ہوگئے ۔
سیلابی ریلوں اور مٹی کے تودے گردے سے صوبہ ہیبی اور ہینان میں ہزاروں مکان تباہ ہوگئے ہیں جبکہ فصلوں کو بھی بھاری نقصان پہنچا ۔ سیلاب زدہ علاقوں سے کم ازکم ایک کروڑ 60 لاکھ افراد نقل مکانی پر مجبور ہوئے ۔چینی حکام کا کہنا تھا کہ وہ سیلاب زدہ علاقوں کے لیے فنڈز جاری کریں گے۔چین کے سرکاری خبررساں ادارے کے مطابق سب سے زیادہ ہلاکتیں شمالی صوبے ہیبی میں ہوئی ہیں جہاں 50 ہزار سے زائد مکان تباہ اور 80 لاکھ سے زایئد افراد متاثر ہوئے ۔ متاثرہ علاقے کے رہائشیوں نے موسمی حالات کی بروقت اطلاع نہ دینے پر مقامی حکام کو مورد الزام ٹھہرایا ہیبہت سارے علاقوں میں بجلی کی فراہمی بھی معطل ہے اور مواصلاتی اور آمدورفت کا نظام بھی متاثر ہوا ہے۔وسطی صوبے ہینان میں تیز ہواؤں اور طوفان سے کم از کم 15 افراد کی ہلاکت کی اطلاعات ہیں۔ یہاں 18 ہزار گھروں کو نقصان پہنچا ہے جبکہ 72 لاکھ افراد اپنا گھر بار چھوڑنے پر مجبور ہوئے ہیں۔چینی حکام کے مطابق رواں سال بارشوں اور سیلاب میں 200 سے زائد افراد ہلاک ہوچکے ہیں۔ایک اندازے کے مطابق ایک لاکھ 50 ہزار ہیکٹر رقبے پر فصلوں کو نقصان ہوا ہے جبکہ کل نقصان کا تخمینہ تین ارب ڈالر لگایا گیا ہے۔

موضوعات:چین میں سیلاب اوربارشوں سے تباہی