اسلام آباد(مانیٹرنگ ڈیسک)بھارتی وزیراعظم نریندر مودی کو دنیا کے 10 بڑے مجرموں میں شامل کرنے پربھارت آپے سے باہر ہو گیا۔ تفصیل کے مطابق بھارتی وزیر اعظم کی ماضی میں مجرمانہ سرگرمیوں پر گوگل نے نریندر مودی کو دنیا کے 10 بڑے مجرموں کی فہرست میں شامل کیا تھا۔ بھارتی وزیراعظم نریندر مودی کو دنیا کے 10 بڑے مجرموں میں شامل کرنے پربھارتی عدالت نے گوگل کے سی ای او کو نوٹس بھیج دیا۔ گوگل میں دنیا کے دس بڑے مجرموں کو تلاش کریں تو ایک نام بھارتی وزیر اعظم نریندر مودی کا بھی آتا ہے۔
وزیر اعظم کی ساکھ خراب کرنے پر الہ آباد کی عدالت نے گوگل کے سی ای او اور بھارت میں گوگل ہیڈ کو نوٹس جاری کیا ہے۔ کیس کی آئندہ سماعت اکتیس اگست کو ہوگی۔ اس سے پہلے بھارت نے سرچ انجن کی سب سے بڑی ویب سائٹ گوگل کو خط لکھ کر یہ پوسٹ ہٹانے کی اپیل بھی کی تھی۔واضح رہے کہ انتہا پسند ہندو تنظیموں کی جانب سے گوگل کو دھمکیاں بھی دی گئی ہیں۔