سلام آباد(این این آئی ) حکومت پراپرٹی پر نئے ٹیکسوں کے نفاذ کے معاملہ پر رئیل اسٹیٹ انڈسٹری کے تحفظات دور کرنے کے لیے متحرک ہوگئی۔ ذرائع کے مطابق وفاقی وزیرخزانہ اسحاق ڈار نے ایف بی آر کو ریئل اسٹیٹ انڈسٹری اور چیمبر آف کامرس کے نمائندوں سے مذاکرات کی ہدایت کرتے ہوئے کہاکہ اسلام آباد سٹیٹ ایجنٹس ایسوسی سمیت اور چیمبر کے نمائندوں کو آج مذاکرات کی دعوت دے دی جائے جس پر ملک بھر کی اسٹیٹ ایجنٹس ایسوسی ایشن کے نمائندے آج بروز ( سوموار ) کو 3 بجے ایف بی آر حکام سے مذاکرات کریں گے۔مذاکرات میں اسلام آباد سٹیٹ ایجنٹس ایسوسی ایشن کے صدر عبدالروف چوہدری ، اسلام آباد چیمبر کے قائمقام صدر شیخ عبدالوحید اور فیڈریشن چیمبر آف کامرس کے صدر عبدالرؤف عالم سمیت دیکر نمائندے شریک ہوں گے۔جبکہ ایف بی آر سے مذاکرات سے پہلے سٹیٹ ایجنٹس ایسوسی ایشن کا مشترکہ اجلاس اسلام آباد میں ہوگا۔