دوحہ (مانیٹرنگ ڈیسک) فیس بک انتظامیہ نے حماس کے سیاسی شعبے کے سینئر رکن عزت الرشق کا اکاؤنٹ ساتویں بار بند کردیا۔اطلاعات کے مطابق حماس رہنماء عزت الرشق نے مائیکرو بلاگنگ ویب سائیٹ ’ٹوئٹر‘ پر پوسٹ ٹویٹ میں بتایا ہے کہ ان کا فیس بک اکاؤنٹ ساتویں بار بلاک کیا گیا ہے۔ عزت الرشق نے فیس بک صفحے کی بندش کو سماجی رابطے کی ویب سائیٹ کی اسرائیل نوازی اور جانبدارنہ پالیسی کا مظہرقرار دیتے ہوئے اس کی شدید الفاظ میں مذمت کی ہے۔ خیال رہے کہ عزت الرشق کے فیس بک صفحے کی بندش کا واقعہ اپنی نوعیت کا پہلا کیس نہیں بلکہ فیس کہ انتظامیہ کی طرف سے اس سے قبل بھی کئی بار فلسطینی مزاحمتی رہ نماؤں کے صحفات کو بند کیا جاتا رہا ہے۔ جس پر فیس بک مسلسل تنقید کی زد میں رہتی ہے۔