بیجنگ(مانیٹرنگ ڈیسک)چین نے دفاعی میدان میں ایک قدم آگے بڑھا دیا،فضائی بیڑے میں پہلا سب سے بڑا فوجی ٹرانسپورٹ طیارہ شامل کر لیا۔غیرملکی خبررساں ادارے کے مطابق وزرات دفاع کی جانب سے جاری کیے گئے ایک بیان میں کہا گیا ہے کہ وائی ٹو نام کا یہ جمبو طیارہ زیادہ سے زیادہ 200 ٹن وزن کے ساتھ ٹیک آف اور اس وزن کے ساتھ 4 ہزار5 سو کلومیٹر کا فاصلہ طے کرنے کی صلاحیت رکھتا ہے، 40 ٹن وزنی سامان کی صورت میں یہ طیارہ 8 ہزار کلومیٹر کا فاصلہ طے کرسکتا ہے۔طیارے کو کارگو اور لوگوں کو نقل و حمل کرنے کے لئے خاص طور پر ڈیزائن کیا گیا ہے، جو موسم کی سختیوں کو بھی برداشت کرنے کی صلاحیت رکھتا ہے۔