اسلام آباد(مانیٹرنگ ڈیسک) خیبر پختونخواہ حکومت نے بجلی بحران خاتمے میں اہم اقدامات اٹھا لئے، نجی ٹی وی رپورٹ کے مطابق پاکستان کے کئی علاقوں میں گزشتہ کئی سالوں سے بغیر لوڈ شیڈنگ بجلی فراہمی کا تصور بھی نہیں کیا جا سکتا تھا لیکن خیبر پختونخواہ حکومت نے اسے نہ صرف قابل عمل بنا دیا بلکہ عوام کو بلا تعطل بجلی کی فراہمی شروع بھی کر دی گئی ہے۔ تفصیل کے مطابق خیبر پختونخواہ حکومت نے صوبے کے 12 اضلاع میں ایسے مائیکرو ہائیڈرو پراجیکٹس لگائے ہیں جن سے سستی ترین بجلی پیدا کی جائے گی اور طجلی کی فراہمی بلا تعطل ہوگی۔
نجی ٹی وی رپورٹ کے مطابق چند شہروں کے میں ان منصوبوں کے تحت سینکڑوں گھروں کو سستی ترین بجلی کی فراہمی شروع کی جا چکی ہے۔ نجی ٹی وی رپورٹ کے مطابق کے پی کے ایک گاؤں کے 50 گھروں کو 24 گھنٹے بجلی فراہم کی جا رہی ہے جس کا بل مہینہ صرف 400 روپے ماہانہ ہے۔ رپورٹ کے مطابق مائیکرو ہائیڈرو پاور منصوبوں کی خاص بات یہ ہے کہ یہ لوگ اپنی مدد آپ کے تحت چلائیں گے اور ان پر آنے والے اخراجات کی ایوریج نکال کر اس حساب سے بل ادا کر سکیں گے۔ رپورٹ کے مطابق مائیکرو ہائیڈرو پاور پراجیکٹ کے تحت 300 روپے سے 600 روپے ماہانہ تک بلا تعطل بجلی کی فراہمی ممکن ہو گی۔‎