ماسکو(مانیٹرنگ ڈیسک)روسی صدر ولادیمیر پوٹن نے کہا ہے کہ نیٹو کے اقدامات کے تناظر میں روس اسلحے کی کسی دوڑ میں شامل نہیں ہو گا۔غیر ملکی میڈیا کے مطابق اپنے ایک بیان میں روسی صدر نے مغربی دفاعی اتحاد پر الزام لگاتے ہوئے کہا کہ نیٹو کی اسلحے کی دوڑ سے یورپی توازن کے ٹکڑے ٹکڑے ہو سکتے ہیں۔ پوٹن نے یہ بھی کہا کہ ان کی حکومت اِس سے آگاہ ہے کہ کب اور کس وقت مناسب جواب دیا جائے۔ انہوں نے نیٹو کی عسکری کارروائیوں کو پاگل پن قرار دیتے ہوئے کہا کہ ایسے اقدامات سے روس کو اشتعال نہیں دلایا جا سکتا اور نہ ہی ان کا ملک کسی حالت میں کمزور ہو گا۔