ممبئی( مانیٹرنگ ڈیسک) بالی ووڈ اداکارہ پریانکا چوپڑا اس وقت شہرت کی بلندوں کو چھو رہی ہیں۔ وہ جب سے ہالی ووڈ میں گئی ہیں اس وقت سے ان کا دماغ زمین پر نہیں آرہا۔ اس کامظاہرہ اس وقت ہوا جب ایک تقریب میں میڈیا نے ان سے سوال کیا کہ اداکار سلمان خان پران کے ایک بیان پر ایک خاتون نے 10کروڑ روپے کا دعویٰ کیا ہے۔اس پر پریانکا چوپڑا نے کہا کہ مجھے کیا یہ سلمان خان کا درد سر ہے۔وہ جانے اور وہ لڑکی جانے مجھے کیا۔ یہ میرا مسئلہ نہیں۔
ان کا کہنا تھا کہ مجھے تو بس بھارت میں رہنے والے سب لوگوں کی بھلائی کیلئے کام کرنا ہے میں چاہتی ہوں کہ بھارت میں رہنے والی ہر لڑکی کا تحفظ یقینی بن جائے۔ اس موقع پر انہوں نے اس لڑکی سے اظہار یکجہتی بھی کیا۔ واضح رہے کہ اجتماعی زیادتی کا شکار ایک لڑکی نے سلمان خان کے فلم سلطان میں ادا کئے گئے ڈائیلاگ پر ان کیخلاف 10کروڑ کا دعویٰ دائر کیا ہے۔ اس فلم میں سلمان نے ایک ڈائیلاگ بولا تھا کہ کام کے بعد میں اتنا تھک جاتا ہوں جیسے کسی لڑکی سے اجتماعی زیادتی کی گئی ہو۔یاد رہے کہ پریانکا چوپرا نے بالی ووڈ میں سلمان خان کے ساتھ مجھ سے شادی کرو گی سمیت کئی یادگار فلمیں کی ہیں۔