بیونس آئرس (مانیٹرنگ ڈیسک)ارجنٹائن کی عوام نے سٹار فٹ بالر لیونل میسی کا مجسمہ دارلحکومت بیونس آئرس میں بنادیا ہے۔29سالہ لیونل میسی نے لگاتار تین فائنلز ہارنے کے بعد انٹرنیشنل فٹ بال سے ریٹائرمنٹ کا اعلان کردیا تھاجس کے بعد ارجنٹائن کی عوام نے اپنے ہیرو کو خراج تحسین پیش کرتے ہوئے بیونس آئرس میں ان کا مجسمہ بنادیا، اس مجسمے کا افتتاح بیونس آئرس کے میئر نے کیا۔اس موقع پر پر ان کا کہنا تھا کہ میسی اپنے ناقدین پر کان نہ دھریں ،قومی ٹیم کو ان کی ضرورت ہے اس لیے وہ 2018ؤرلڈکپ میں ارجنٹائن کی نمائندگی کرنے کے لیے ریٹائرمنٹ واپس لے لیں۔واضح رہے کہ کوپا امریکا کپ میں میسی نے پینلٹی مس کی تھی جس کے باعث ارجنٹائن کو فائنل میں چلی شکست ہوگئی ، لگاتار تین فائنلز ہارنے کے بعد میسی نے انٹرنیشنل فٹ بال سے ریٹائرمنٹ کا اعلان کردیا تھا۔