میلبورن……آسٹریلیا نے ورلڈ کپ میں اپنے افتتاحی میچ میں انگلینڈ کو جیت کے لیے 343 رنز کا مشکل ہدف دیا ہے۔
انگلینڈ نے ٹاس جیت کر فیلڈنگ کرنے کا فیصلہ کیا جو غلط ثابت ہوا اور اوپنر ایرون فنچ اور ڈیوڈ وارنر نے 57 رنز کی شراکت قائم کر کے اپنی ٹیم کو مضبوط بنیاد فراہم کی۔
وارنرنے 22رنز بنا کر آؤٹ ہوئے تو اگلے ہی گیند پر شین واٹس بغیر کوئی رن بنائے براڈ کی دوسری وکٹ بن گئے۔
اسکور میں 13 رنز کے اضافے سے آسٹریلیا کو اس وقت بڑا دھچکا لگا جب ان فارم اسٹیون اسمتھ پانچ رنز بنا کر پویلین لوٹے۔
اس موقع پر ایرون فِنچ اور جارج بیلی نے 146 رنزکی شراکت قائم کرکے آسٹریلیا کے بڑے اسکور بنانے کی امیدوں کو برقرار رکھا، فنچ 135 رنز کی خوبصورت اننگ کھیلنے کے بعد آؤٹ ہوئے جبکہ بیلی نے 55 رنز بنائے۔
اختتامی اوورز میں میکس ویل اور بریڈ ہیڈن کی جارحانہ بلے بازی سے تقویت پاتے ہوئے آسٹریلیا نے 342 رنز کا بڑا مجموعہ اسکور بورڈ کی زینت بنایا۔
میکس ویل نے 66 اور ہیڈن نے 31 رنز بنائے۔
انگلینڈ کی جانب سے اسٹیون فن نے ورلڈ کپ کی پہلی ہیٹ ٹرک کرنے کے ساتھ ساتھ پانچ وکٹیں حاصل کیں۔
